كتب - محرر الاقباط متحدون
نظمت خدمة العذاري الحكيمات (إعدادي وثانوي بنات) بالمطرانية ندوة روحية بعنوان: "بنت المسيح تختار الصح حتى لو صعب"، وذلك تحت رعاية صاحب النيافة الحبر الجليل الأنبا مقار أسقف الشرقية والعاشر، وبإشراف القس سيرافيم القمص إبادير .
وجاءت النصائح كالتالي :
اختاري الصح حتى لو مش سهل لأن طريق الصح هو الباب الضيق اللي بيوصل للحياة الحقيقية.
ما تقلديش الكل لمجرد إنهم بيعملوا كده خلي معيارك هو المسيح مش الناس، حتى لو كنتِ الوحيدة اللي مختلفة.
خلي عندِك شخصية مش نسخة من غيرك ربنا خلقك فريدة، ليكي بصمتك الخاصة ومكانك اللي محدش يقدر ياخده.
اختاري أصحابك اللي يقربوكي من ربنا الصحوبية الحقيقية هي اللي ترفعك لفوق مش تشدك لتحت.
خلي المسيح قدوتك مش الناس لأن الناس بتتغير، لكن المسيح هو الأمس واليوم وإلى الأبد.
في النهاية، بنت المسيح دايمًا بتختار الحق، حتى لو كان صعب، لأن معاها المسيح اللي يقويها في كل طريق.
