كتب - محرر الاقباط متحدون
أشاد موقع " تليجراف مصر"، بـ "مرقص باشا حنا”، منقذ مقبرة توت عنخ أمون من السرقة في عام 1924.
لافتا :" “مرقص باشا حنا”، منقذ مقبرة توت عنخ أمون من السرقة في عام 1924 وخاصة وقت اكتشاف المقبرة الخواجة هوارد كارتر منع المصريين من دخولها ووقتها ساب الأجانب يدخلوا براحتهم بحسب ما نشر الكاتب الصحفي رشدي الدقن.
مرقص باشا، وكان وقتها وزير الأشغال، فهم اللعبة وقرر يقفل المقبرة ويعين عليها حراسة مصرية، وكل اللي يخرج منها يتفتش حتى “كارتر” نفسه
مش بس كدة، أصدر أوامر بتسجيل كل قطعة أثرية في وجود كارتر ونقلها للمتحف المصري بحراسة مشددة، وبذلك فشل مخطط الإنجليز في نهب المقبرة والآثار المصرية
واختتم :" لما رفعوا قضية عشان ياخدوا نص الآثار، قدم مرقص باشا مستند أثبت إن المقبرة سليمة وبالتالي لا يحق تقسيم محتوياتها، وبفضل ذكاءه وشجاعته، حكمت المحكمة إن المقبرة مصرية 100%، وأنقذ كنوز توت عنخ آمون من السرقة.
