بقلم جُورج حَبيب

يا عمّنا ليه دايمًا مُكَشِّر
لا بتضحك، ومن جِنابِك مُحَشَّر
ومفيش أمل وفي حياتك مُتْكَدِّر
شايف السُّواد وبين الألوان مُتْحَيِّر
مطلوب بس تبتسم، موش أكتر

دا الدنيا فانية والعُمر قَصَير
حاوِل تفرح وبلاها تَفكير
لك رَب وَعد، ووعدُه أكيد
مُوش هَايسيبك، ولو إنت بعيد
إتكل بَس عليه، ويومك هَيبقى عيد
فُك يا عمّ التَكشيرة

وافرح، وعمرك ما هتبقي في ضِيقة
قُوم يا عمّ كده وفَرْفِش
وصَلِّي، ومع ربنا ابْدَا ودَرْدِش
صَباحَك فُل يا عمّنا
ووردة لَك منّنا كلّنا