لما تلاقيه جعان ما تجيبلوش فيللا .. د.مجدى إسحق 
عنوان غريب مش كده ؟؟
بس فيه ناس بتعمل كده !!

أولاده محتاجين وقت و حب و عناية و احتضان ، يقوم يسافر و يسيبهم سنين علشان يجيب لهم فلوس كتير .. 

يرجع يلاقيهم محرومين أو منحرفين أو متفرقين .. 

و يا ريته كان قعد معاهم و رباهم و شبعهم حب و رضا و حنان ، و سابهم هم لما يكبروا يجيبوا رزقهم و احتياجاتهم و هم معاه شبعانين ..

وواحد تانى غرقان فى شغله ، و سايب زوجته من غير تواجد حقيقي في حياتها .. مغرقها هدايا  و هو غايب عنها .. 

الحب الحقيقي اني اشبع لك احتياجاتك العميقة مش اديك احتياجات مظهرية شكلية وهمية كذابة ، لا تشبع و لا تسمن من جوع ..