بقلم جُورج حَبيب
السنين شاخت وعدّت
والناس من كتر أحداثها ما عدّت
والذكريات شريط بيجري
يحكي اللي يفرّح واللي يبكّي
وأهل وأصحاب كانوا كتير
أغلبهم راح، ووجع فراقهم مش قليل

وبيت الأهل والذكريات
مليان دفا وضحكات عمر فات
لما كنا صغيرين
نجري ونلعب فرحانين
لا همّ ولا غم كنا فاهمين
والدنيا حوالينا بسيطة
والضحكة صافية وبريئة

ولمّة حلوة حوالين بعضينا
وأكلة طعمة وطبطبة والدينا
النهارده الدنيا غير الدنيا
والمحبة قلت، والباقي مش كتير
يا ريت الكل يفهم، غني أو فقير
إن السنين شاخت وعدّت

ومن كتر الأحداث… الناس  ليها ما عدّت
والنهَارده بنستَقبل عام جِديد
أتمني لكم السَعادة والعُمر المَديد
وحِبوا بَعضكم كُلكم ودَا مُوش كِتير