قبل ميلادك كنتُ أنا تايه،
ومهما أنا بعمل موصل ليك.
حُكم الموت كان دايمًا نافذ،
بس أنا موتي مِهِنش عليك.
بعد ميلادك كله اتغيّر،
كله اتحرّر، كله اتبرّر، صُنع يديك.
جي تفديني، تسد في ديني،
وبقيت ابنك غالي عليك.
قبل ميلادك عِشت الشر،
أنا طول العمر مفكّر فيك.
كنت بضيع وعايش في المُرّ،
وليك الأمر إن كان يرضيك.
بعد ميلادك أنا دلوقتي
خاطئ وتايب، برجع ليك.
تغفر إنت وفرحنا جايب
لما نزلت من معاليك.
قبل ميلادك كنت بضيع،
مهما بقدّم ما بيرضيك.
جرمي كبير وكأني وضيع،
حاجب إنت عنّي عينيك.
بعد ميلادك جيت في ميعادك،
واخد جسدي وحملي عليك.
رحمة وخير وسلام عالأرض،
إنت الخير وأنا عايش بيك.
قبل ميلادك كنت أنا خاطئ،
وماشي مطاطي، مهنش عليك.
عمل الرحمة جه بمحبة،
ألقى سلامه وجه يفيدك.
بعد ميلادك عرفوا عبادك
حبك ليهم عمل إيه فيك.
إنت اديت للكل محبة،
وبالمسامير دول ثقبوا إيدك.
✍️ ممدوح الديري ✍️
