كتب - محرر الاقباط متحدون
قال الأنبا مقار أسقف الشرقية والعاشر :"مشكلة جوازات كتير إننا بندخل الجواز وإحنا لسه بعقلية “عايز آخد”.نتجوز وإحنا مستنيين الطرف التاني يعوضنا عن بابا أو ماما.
مضيفا في رسالة لشعب الكنيسة :"الزوجة تبقى مستنية جوزها يبقى بابا رقم 2:يصرف، يهتم، يعمل كل حاجة، والزوج يبقى مستني مراته تبقى ماما رقم 2:تطبخ، تدلع، وتهتم بكل التفاصيل.
لافتا:"والنتيجة؟ كل واحد مستني ياخد… ومحدش مستعد يدي، وده مش الفكر المسيحي للجواز.الجواز المسيحي مش قائم على الأخذ، لكن على العطاء، إن كل واحد يسأل نفسه: أنا هادي إيه؟هحب إزاي؟ هتعب عشان اللي معايا قد إيه؟، لما الاتنين يفكروا بالعطاء،الجواز ينجح ويكبر ويعيش.
