ديڤيد ويصا
"٦ حاجات شُغلي بيفرِضها عليَّ ..
الله استخدمها لتشكيلي في حياتي وخدمتي!"
--
مينفعش تفضَل في مكانك وحالتَك ..
التطوُّر والتغيير السّريع هيفرِض عليك تلحقه ..
وإلا هتتداس وتتنسي وناس كتير هتاخُد مكانك!
--
التّعامُل مع شخصيّات صعبة شيء مفروض عليك ..
لازم تتعلّم تتعامِل مع كل الناس بخلفيّاتهُم وثقافتهم ..
وتفترض دايمًا السيّء، إلا لو ثبَت العَكس ..
وتتعلّم تقول إيه، لمين، وإمتى، وازّاي، وفي أنهي سياق ..
السّذاجة والتلقائيّة في الحياة مع الكُلّ، هتكلِّفَك كتير!
--
مفيش حد مسؤول عنّك، ولا حد هيشيل همَّك ..
لازم تتعلّم تكون مسؤول عن نفسك من غير رقابة!
--
اليوم اللي هتبطَّل فيه تتعلّم وتتطوّر، هو بداية موتك ..
مفيش رفاهية البقاء في مكان راحة بدون تَعَلُّم!
--
الحياة مليانة قسوة وفساد وشَرّ ..
التّحدّي الحقيقي مش بس انك متعملش زيُّهُم ..
لكن انك تتعلّم تتصرّف صَحّ في أوضاع غلط ..
ودي محدّش هيعلّمهالك من المنبر ..
لكن الحياة هي اللي هتدرَّبَك عليها!
--
أوقات كتير مش هتلاقي حد ينصحَك ولا يرشدك ..
اللي متعوّد ميتحرّكش في حياته غير بتشجيع النّاس، هينهار ..
علاقتك الشّخصيّة بالله والقعدة اليوميّة قُدّامُه هي ملاذك الوحيد ..
تحافظ عليها تعيش، تهملها هتموت!
--
الخلاصة:
اللي فاكر ان الحاجات دي في الشُّغل بس ..
لكن الحياة والخدمة مختلفين ..
يبقى غلطان!
ديڤيد ويصا
