أنا جاي بقدّم توبة
ياللي إنت فديت إنساني،
وخطايا كانت محبوبة
هنساها ومارجع تاني.
دي حياتي كانت مقلوبة،
وفكري وشري عَمّاني،
وبقولها: خلاص النوبة،
قوّيني وقوّي إيماني.
دي الخطوة بقت محسوبة،
وكل العالم فاني،
ردّيتني وبأعجوبة
مش عارف كيف لمكاني.
الرحلة معاك مصحوبة
بسلام ماعِشتوا زماني،
وبقولك: أنا بالتوبة
روحك ردّني وأحياني.
بتحمّل برد في طوبة،
وبشنس هتشرق تاني،
دي حياتي كانت مغلوبة،
دلوقتي يسوع يلقاني.
✍️ ممدوح الديري ✍️
