كتب - محرر الاقباط متحدون
وجهت الصحفية وسام المصري رسالة بعنوان " "العبادة المزيفة" .. وميكرفونات الفشخرة بالدين" انتقدت فيها حملات تعليق مكبرات الصوت على المنازل والبلكونات للأذكار، رغم وجود مرضى في تلك المناطق.
وأضافت المصري خلال مقطع فيديو عبر حسابها على فيسبوك :"عاوزة أتكلم عن ظاهرة سخيفة حلت على أرض المحلة في الأيام اللي فاتت، وهي تعليق الميكروفونات على البلكونات.
مضيفة:"هو كل واحد النزعة الدينية عنده صحيت مرة واحدة فجأة، فقام من النوم ركب ميكروفون وفلاشة عمالة تردد أذكار؟!.
لافتة:"حضرتك كمسلم أبسط حاجة خدتها من الدين وانت صغير مراعاة حق الجار ومراعاة ظروف الناس.
وواصلت :"ليه تحط ميكروفون صوته عالي على البلكونة بتاعتك، بيسمع كام جار ويؤذي كام جار؟ مش يمكن ليك جار مريض مش قادر يسمع صوت حاجة، أو حد بيذاكر؟.
لافتة:" ناس بتاخد جلسات كيماوي بتتمنى خمس دقايق نوم، وانت مشغلة الميكروفون، ربنا مقالكش تعمل إزعاج للي حواليك.
