ديڤيد ويصا

سألته: إيه أكتر صفة تتمنّالي انها تكون فيّ؟
--
قال: الرجولة!
والرجولة يعني تكون "مسؤول" ..
مسؤول عن كلامك، وتلتزم بيه ..
ومسؤول عن أفعالك، وتتحمّل نتيجتها!

والرجولة يا ابني مش حِكر على الولد ..
لكنها صفة في الولد والبنت ..
لأن الرجولة مش هي الذكورة!
الذكورة والأنوثة بنتولد بيها، شكلنا وجسمنا ..
لكن الرجولة دي صفة شخصيّة، لازم تشتغل عليها!
--

عاوز تفتخر بحاجة ونفتخر بيك بسببها؟
إياك تفتخر بحاجة اتولدت بيها وملكش يد فيها ..

لكن هنفتخر بيك فعلًا، يوم ما تكون "راجل" بجد ..
شكلك وجسمك ونوعك مش اختيارك ..

لكن شخصيتك اللي صفتها الرجولة، مسؤوليتك!
#حوار_مع_صديقي_الوحيد
ديڤيد ويصا