فقر الاستعجال .. د.مجدى إسحق
من أكتر اسباب الفقر و التعاسة و الفشل : آفة "الاستعجال"
المستعجل عايز كل حاجة بسرعة : نتيجة سريعة ، فلوس سريعة ، نجاح سريع..
و عايز يبقي زى "ننماذج السوشيال ميديا " النهاردة مش بكرة.
فيتصرف ازاي ؟
يسيّب شغله قبل ما يتعلم،
يدخل بيزنس قبل ما يفهم، يستثمر قبل ما يعرف مخاطر خطواته ، يسافر قبل ما يبقى جاهز ، ويتجوز قبل ما يستقر ..
والنتيجة؟
خسارة ورا خسارة ،إحباط
ورا احباط ، وشعور إن الدنيا واقفة ضده..
و الحقيقة : لا الناس و الدنيا هي اللى ظلمته ، ده هو اللي مستعجل.
الفلوس محتاجة وقت،
و المهارات محتاجة صبر،
و العلاقات محتاجة نَفَس طويل، والنجاح محتاج عقل بيبص لقدّام مش تحت رجليه .
و الحل؟
محتاج تهدى و تبني نفسك خطوة خطوة..
ابني مهاراتك الأول و اتعلم العوم قبل ما تقفز فى المياه .
اللي بيكسب بجد هو اللي اتعلم فن الانتظار الصحيح.
