اِهْتِفْ وَاِصْرَخْ عَلَى الصَّوْتِ
لِيْهِ أَوْلادْنَا يَا رَبّ تِمُوتْ
يَا ابْنِي أَنَا مَقْسِتْشْ عَلَيْكُم
الأَوْلَادْ وَرِثُوا المَلَكُوتْ
رِحْلَةْ قَصِيرَةْ وِبْتِعَلِّمْكُم
كَبِيرْ وَصُغَيِّرْ جِيّ المَوْتْ
بَسَّ العَاقِلْ اللِّي مَا بَيْنْكُم
طُولْ الرِّحْلَةْ يِكُونْ مَظْبُوطْ
إِيُوهْ يَا ربِيّ بَسَّ الفِرْقَةْ
بَعْدَ الضِّحْكَةْ يِحِلّ سُكُوتْ
كَانُوا الفَرْحَةْ وَنُورْ السِّكَّةْ
وَرَدّ وَأَخْضَرْ لِيْهِ بِيْمُوتْ
صَعْبْ عَلَيْنَا وَضِيقَةْ وَخَنْقَةْ
نِصْرَخْ لِيكْ وَنِعَلِّي الصَّوْتْ
اِبْعَتْ عَزِيّ لِيكْ نِتْرَجَّى
يَامَا حُزَانِي سَاكْنَةْ بُيُوتْ
شَايِفْ أَنَّ المَاضِي وَحْاضَرْ
وَالمُسْتَقْبَلْ مِشْ بِيْفُوتْ
إِلَّا بِأَمْرِي وَدَايِمًا حَاضِرْ
كُلّ سَلَامَكْ عِنْدِي ثُبُوتْ
وَقْتْ مُنَاسِبْ بَاخْتَارْ غَنَمِي
عِنْدِي مَرَاعِي وَعِنْدِي بُيُوتْ
وَإِنْ يَوْمْ ضَلّ خِرُوفْ الرَّاعِي
بَكْسِرْ رِجْلُهْ عِلَاجْ مَظْبُوطْ
عَارِفَكْ إِنْتَ العَارِفْ وَحْدَك
كُلّ صَلَاحَكْ عَدْلْ وَجُودْ
لِلْمُتْأَلِّمْ تِبْعَتْ رَحْمَةْ
تِسْكُبْ رُوحَكْ تِشْفِي بُيُوتْ
حُزْنْهَا يِبْقَى فِي وَسْطْ الزَّحْمَةْ
فَرَحَكْ دَايِمًا مِشْ بِيْمُوتْ
وَالأَيَّامْ بِتْمُرّ تِعَدِّي
وَاللِّي اتْذَكِي سِكَّتُهْ دَايِمًا المَلَكُوتْ
✍️ ممدوح الديري ✍️
