ياسر سعد
عاجبني اوي فكرة ان شخصية "محمود عزت" في المسلسل واخدة طابع حقيقي... هتقولي ازاي..؟!
هقولك، محمود عزت، كان شخص كتوم جداً.. وغامض، ومش بيثق في حد... وقليل الظهور.. مش نجم من نجوم الاخوان، ولذلك مش كتير يعرفه.
لحد دلوقتي (شريف منير) في مسلسل (راس الافعى) بيظهر مشاهد بسيطة، يصدر تكليفات، او يدي اوامر فقط...
وهو هنا بيوصل لنا نفس الجو العام اللي عايشه محمود عزت، شخص حريص ومش سهل "راس الافعى" مجتش من فراغ.
ولذلك طبيعي انها كانت تبقى مهمة صعبة حتى على منهم معروفين بـ "رجال الظل"...
من اهم السمات، واللقطة اللي ماخدتش حقها...
هو انه بلا مشاعر تقريباً حتى مع اهله وعشيرته، ولما الشاب قاله بحماس " محمد مرسي ظهر في المحكمة " ابتسم وقال "المهم هنستفيد بده ازاي"
هو يهمه فقط تحقيق منفعة للجماعة، حتى بتكليفه بانشاء لجنة ازمة كانت انه يكون في قيادات في الواجهة (صف تاني) بعد سقوط اغلب اعضاب مكتب الارشاد..
عشان الاخوان تستمر وتكمل على الارض، بس يستمر هو كمان خارج المشهد.
وكان حريص انه اعضاء وشباب الجماعة ميكونش عارفين عنه حاجة.. واذا كان هو بره مصر او جوه مصر اصلا..!
اللي عاجبني في التفصيلة دي، هي انها نقلت لنا حالة بدون كلام كتير... او دوشة، واقع، بدون شوشرة او محاولة اظهار الشرير بوجه قبيح.
هو سكوته وترقبه... عدم ظهوره بشكل متكرر، نظرته وفكره واوامره... اقبح واسوء من اي حاجة تانية.
