آدم قولي ساكت ليه، عايش الذل وراضي عليه؟
أولادك مش طابقين بعض، شوف الشر بيعمل إيه.
شغّالة صواريخ ومدافع، الحق قابل منتاش نافع،
والإيمان مش عنهم شافع، وادي حياتهم زِفِت يا بيه.
أنا اديتهم كل وصيّة، والمعصية دي جت من إيه؟
ساد الشر وعملوا خطيّة، بس أنا عايز شعبي أحميه.
لازم يرجعوا تاني آليّا، سر نجاتهم مش هخفيه،
شِلت صليب علشان أسعدهم، واللي بيرجع بفرح بيه.
يبقى معايا عايش في سلامي، حتى كلامي ده يعمل بيه،
قابل توبة أنا كل أيامي، للي خلاص الشر نِسْبه.
قول لأولادك بطلوا حرب، ليه الضرب بتعشقوا فيه؟
عِشتوا حياتكم كرب في كرب، بصّوا وشوفوا بتعملوا إيه.
✍️ ممدوح الديري ✍️
