كتب - محرر الاقباط متحدون
بتوجيهات الرئيس عبد الفتاح السيسي، تم تدشين واحدة من أهم المدن الساحلية بالإسكندرية، وهى مدينة أبو قير البحرية" مدن الجيل الخامس" على مساحة 1400 فدان بعد ردم مساحتها داخل المياه، وتحتوي على أبراج عملاقة ومجموعة كبيرة من الفيلات على غرار دبى، ما يجعلها قوة اقتصادية جديدة تدعم حركة النقل البحرى في مصر.
وفي هذا السياق كتبت سامية فانوس عبر حسابها على فيسبوك :" فى وسط الجنون العالمى مصر بتعمل عظمه فى ابو قير اسكندريه إسكندرية تانية بتطلع من قلب البحر! صدمة الأقمار الصناعية في أبو قير.
اللي بيحصل في شرق الإسكندرية ده مش مجرد شغل هندسة، ده إعجاز بكل المقاييس! الصور اللي جاية من الفضاء لعام 2026 بتقول إن خريطة مصر اتغيرت بجد.. إحنا حرفيا بنبني فينيسيا الشرق في منطقة أبو قير!.
مضيفة :"تخيلوا كدة.. مصر ردمـت البحر لمسافة 4 كيلومترات جوه الميه، وطلعت لنا 7 مليون متر مربع يابسة جديدة! مساحة كانت أمواج وبقت مدينة كاملة وميناء عالمي، ليه العالم كله بيتكلم عن أبو قير الجديدة؟ الميناء الجديد فيه أرصفة بعمق 22 متر.
عارفين يعني إيه؟ يعني أكبر سفن حاويات في الكوكب هتيجي عندنا إحنا، وده رقم ملوش مثيل في المتوسط كله غير في إسبانيا بس!.
كورنيش جديد طوله 8 كيلو.. يعني نص طول كورنيش إسكندرية القديم، بس المرة دي إنت بتمشي والبحـر محاوطك من كل حتة.
شركة هاتشيسون العالمية حطت 730 مليون دولار عشان تشغل محطة الحاويات هناك.. يعني أبو قير هتبقى السنتر بتاع تجارة العالم.
دي مش بس ميناء.. دي حياة جديدة! المشروع ده هو الرئة اللي هتخلي إسكندرية تتنفس وتفك الزحمة.
والضربة القاضية بقى هي عقدة المواصلات.
تخيل المترو الجديد بتاع إسكندرية هينزل في محطة واحدة مع القطار الكهربائي السريع اللي جاي من بورسعيد ورايح الساحل.. يعني هتركب من قلب البحر وتروح أي مكان في مصر في دقايق!
واختتمت :"إسكندرية بتستعيد هيبتها وبترجع منارة المتوسط من تاني بجد مش كلام.
