كتب - محرر الاقباط متحدون
كشف شقيق الأشخاص الذين ظهروا في مقطع فيديو متداول وهم يلقون أكياس مياه على المصلين بمحيط مسجد الصديق تفاصيل الحادث.
وقال خلال مقطع فيديو :" إحنا كعيلة بنتجمع من 6 سنين في كل عيد وبنعمل خير، بنعمل بلالين نحط فيها فلوس وبومبوني وحلويات، وبعد ما صلاة العيد بتخلص بنطلع من البلكونة ونرميها للناس، وده أسعد الناس وبقوا مستنيين الموضوع ده كل سنة.
وأضاف :" السنة اللي فاتت بعد رمي العيديات، اكتشفنا إن في ناس اتجمعت حوالين عربيتنا وطلعوا فوقيها والعربية خربت، بس ما عملناش مشاكل وقولنا عادي.
كما أضاف :"العام ده كررنا الموضوع، وجهزنا البلالين، ولما خلصنا رمينا العيديات من كيس فيه فلوس وحلويات لاسعاد الناس، ونفس الموقف اتكرر، حصل تجمع حوالين العربية، شفنا طفل فوق العربية، فاضطرينا ننزل لابعادهم.
لافتا :" طلعنا وبعدها لقينا الناس بتتجمع تاني حول العربية، والموضوع زاد عن حده، حاولنا إبعادهم برمي أكياس مية على العربية مش على الناس.
موضحا:" بعدها ناس شتمونا وحصل تحرش لفظي بأخواتي البنات، اضعف الإيمان ان البنات اللي بتتشتم دي انها بترد باكياس مياه ولسوء الحظ ان الفيديو اللي انتشر كان لاخويا وهو بيرد الشتيمة ويدافع عن نفسه وعن اخواته اللي بيتشتموا.
