شالني في ضعفي، وأضعف ذاته، قال لي: اتقوّى بدمي وعيش.
أنا مديون لك كل حياتي، وعمري الآتي، وميكفيش.
رحلة صلبه حملها بذاته، سدّ الدين لحزين وتعيس.
لعن التينة وطرد الباعة، وكل بضاعة، وغش مفيش.
قال: الساعة تكون لي الطاعة، نفّذ وعده وخلّاني أعيش.
الاستعداد بالسهر الدائم، زي عذاري حكيم وحريص.
ادّاك وزنة، وربح شطارة، تعمل بيها لجل تعيش.
وبّخ كهنة عايشة حيارى، وسط رياء وأفعال متجيش.
تسكب طيبك ويا نحيبك، زي المرأة، وبخل مفيش.
حبّ المال ده عداوة وشهوة، وادي يهوذا خان العيش.
جمع الإخوة وغسل الأرجل، بكل تواضع قالي: تعيش.
حبّ بقلبك واشكر ربك، مش بلسان وكلام ومفيش.
أسّس سرّه وأعطاني جسده، ودمه الطاهر لجل تعيش.
شوف يا يهوذا، كتير بعينيك، حبّ المال ده مبيكفيش.
باعه وسلّم حبّه بقبلة، في البستان ومعاه جيش.
حكموا عليه وقالوا: مدان، حتى بيلاطس مبيكفيش.
جلد وضرب، ومجرم يُطلق، ويسوع وحده وصحبه مفيش.
بطرس ينكر، ويصيح ديك، بصّ يسوع وقال: هتعيش.
حكموا بصلبه، شال الخشبة، والناس تصرخ: مبيكفيش.
بالمسامير والشوك والحربة، والشيطان مهزوم ميجيش.
مريم تبكي، وليه الغلبة؟ بعد الموت قايم ويعيش.
صار البكر وردّ الكريه، نور في القبر وزيّه مفيش
.
ردّ الملك وصنع السكة، اللي توصل للي يعيش.
فرح قلبي عبر بمحبة، فوق الخشبة خلاص وعريس.
يفرح قلبي ونصرة قوية حب يسوع خلاني اعيش
هزم الموت بصليب عالربوة، تفرح مريم ومتبكيش.
✍️ ممدوح الديري ✍️
