ماجدة سيدهم

إخصاء كل من هو سبب 
سما اللي اتمنى تجيب نَفس اللي كان السبب الأرض 
المأساة المتداولة عن موت الطفلة "سما"  بعد تناوب الاعتداء المتكرر عليها من الأب والجد ..ثم أيضا زوجة الأب التى قامت بحرقها بالماء الساخن 

ماتتعجبوش إلى هذا الحد..صحيح الموضوع فاق كل تصورات الجريمة القذرة والمثيرة للغثيان ..لكن لازم نقر ونعترف أن المجتمع  تعفن من جوه أوي  لتفاقم تلال العهر والقمع والشذوذ وكل الانحرافات الأخلاقية والسلوكية جوه البيوت وجوه النفوس والعقول والضمائر  ..فيه خرابة مخيفة اسمها  الهوس الجنسي بأحط صوره ..

فبلاش تتصدوموا أوي كدا وكأنه اللي حصل دا كان مفاجأة ..الكارثه الاخلاقية دي مجرد نتيجة طبيعية جدا للمزايدات الدينية..

الجنس أصبح إدمان...بس إدمان سهل ورخيص ومتوفر ..أي مخدرات محتاجة فلوس وكتير  ..الجنس ببلاش ..فأصبح الجنس وسيلة للهرب من واقع مرير بيزداد مرارة وقحط ..

بنهرب من الفقر والفروق الاجتماعية المرعبة ..من القمع ..من الفشل ..من الجهل ..من الاحباط.. من أدران العشوائيات..من علاقات فاشلة داخل الغرف ..من تعدذ الزيحات والزواج العرفي والعلاقات السرية .من العشوائيات .من عدم المسؤوليه في الإنجاب وتربية الصغار ..من الهزيمة اللي جوه ..من غياب وتحريم  كل معاني الجمال والإنسانية والشرف ..من دراويش التدين اللي حشو الأدمغة بكل ماهو غير أخلاقي باعتباره السلوك المستقيم ..

.ياترى الكائن المهذب  بتاع لولا معتقده لمارس النجاسة مع أمه..ايه رأيه دلوقت ..الأب والعم والخال والأخ والجد ..وليلة كبيرة مافيهاش ممنوعات ولاغايب غير الضمير ..
أهم  كل دول وقت المحاكمات بيقولو آيات زي الفل ..

جرئم القتل المتزايدة جوه البيوت سببها الهوس بالجنس حتى ولو صبيحة العرس ..

مش أغلبنا بيطالب بإخصاء كل مغتصب وكل منتهك جسد لأي انثى أو  أي طفل أو حتى حيوان ..يبقى من باب أولى محاكمة واخصاء السبب اللي وراء هدم الإنسان ليصل إلى هذا الحد المقزز من الوضاعة ..

ذنب سما في رقبة مين ؟!

دا غضب الله على فساد البني آدم  عظيم ومخيف ..