كتب - محرر الاقباط متحدون
قالت الإعلامية شهيرة فؤاد:"الاكتئاب مرض موجود في الحياة.
مضيفة خلال تقديم برنامج (مساء الخير)، المُذاع عبر قناة "مي سات" القبطية الارثوذكسية :"وقد لا يعلم من يعاني هذه الأعراض الاكتئابية أنه مصاب به.
لافتة :"وكل ما يحتاجه مريض الاكتئاب أو أي شخص يعاني نفسيا هو الطبطبة.
مشيرة :"لأن الحقيقة إحنا مش كلنا زي بعض، مش كلنا عندنا درجة واحدة من الصلابة النفسية أو الهشاشة النفسية.
وتابعت:" ولا كلنا مرينا بنفس ظروف التربية ولا ظروف الحياة اللي غيرت فينا وسابت جرح، فبالتالي إحنا مش كلنا زي بعض.
مضيفة :"وبالتأكيد الشخص اللي بيكون مُجهد أو بيعاني نفسيا بيبقى محتاج طبطبة، محتاج حنية، محتاج دعم، محتاج احتواء.
واضافت :" أكيد مش هيكون على الإطلاق محتاج خذلان ولا محتاج ترك ولا محتاج إيذاء ولا تنمر ولا تعالي عليه ولا تنظير عليه.
