هحكي أنا قصة لكل أصحابي عن فتاةٍ عذراء وبتول
كل حياتها يا أحبابي كان قلبها بالله مشغول
عايشة بتخدم جوه الهيكل، كل تعبها ده كان مقبول
لما اختارها كمان قدرها، أرسل ليها ملاك من نور
ألقى سلامه وقال في كلامه: جي بالبشرى، جي بحلول
روح الله هيحل عليكي، تحبل مريم رغم أنها بكر وبتول
يجي الكلمة المولود منك، يجي يخلص، يبقى عبور
طول عمرنا عايشين في الضلمة، وادي مولودك يصنع نور
عمانوئيل اسم وله معنى: الله معنا يا أم النور
يجي يخلص كل العالم، يفرح آدم بيك يا مريم، كان مسرور
قالت: عبدة وأمة الرب، قولك ليا ده نور من نور
تعظم نفسي وقلبي الرب، بعد الكرب انهدم السور
وادي إشارة: أليصابات تحمل، جريت تخدم، مش معقول
لما سلامها جه في أذانها، سجد الطفل لملك النور
يوسف خايف قلبه عشانها، جاله ملاك وده قال بسرور
حل في مريم لما اختارها، وتطوبها كل عصور
✍️ ممدوح الديري ✍️
