كتب - محرر الاقباط متحدون 
قال الكاتب كريم جاهين:"اكتر قضية تم المتاجرة بيها فى تاريخ البشرية هى القضية الفلسطينية، رافضين كل الحلول، رفضوا حلول السادات ١٩٧٩،اتفاقية اوسلو، اتفاقية مدريد، مليون اتفاق و محادثات و اجتماعات.
 
مضيفا عبر حسابه على منصة "إكس" :" انت متعرفش ان القضية دي كانت محور عمل واجتماعات العالم كله حتى بداية الالفينات، العالم كله زهق بعد ما اتأكد ان الموضوع تجاره مش اكتر ، مصر بسبب القضية دى مات منها ١٠٠ الف شهيد ودخلت كل حروبها وعدائها مع اسرائيل بسببهم  وحالنا بقى زى ماانت شايف اقل فلسطينى عايش افضل من اغلب المصريين وسيناء واجهت خطر الإرهاب  بسبب حماس.
 
وأضاف:"السعوديه دفعت مليارات الامارات الكويت، 
الاردن دمرت حرفيا وراح نسيجها الاجتماعي وسوريا كذلك ولسه محتله بسببهم لبنان كذلك  العراق…الخ
الشرق الاوسط المنطقة الاغنى والاهم فى العالم اتدمرت وبقت الشرق  المليئ بالارهاب وداعش والكراهية بسبب القضية دى.
 
ورأى:" هم مش عاوزين يحلوا هم عاوزين يفضلوا كده.. هم احرار، بس كفايه.. اتمنى مفيش دوله تعطل مصالحها ولا مصالح شعبها، لا تعاطف مع الارهابيين الحمساويين اللى اخدوا غزه رهينه ليهم.