كتب - محرر الاقباط متحدون
قال نيافة الحبر الجليل الأنبا مكسيموس، مطران بنها وقويسنا وتوابعها:"وُلدت عام 1954 في منطقة عابدين بالقاهرة.
مضيفا خلال حلوله ضيفا على برنامج "أباؤنا"، المذاع عبر قناة مي سات القبطية الارثوذكسية :" تربيت في كنيسة جميلة جدا وعريقة، هي كنيسة الملاك غبريال بحارة السقايين.
موضحا :"وهي كنيسة عظيمة بناها البابا كيرلس الرابع، وكانت تضم أول مدرسة للبنات في مصر.
لافتا :"اتربيت في أسرة بسيطة تحب الله، وأهم حاجة أنهم غرسونا في الكنيسة.
وواصل :"لما كانوا يمدحوا ماما لأنها ربت أربعة، فكانت تقول: أنا ما عملتش حاجة، أنا حطيتهم في الكنيسة والكنيسة كملت الباقي.
موضحا :" احنا أربع إخوات، بنتين وولد وأنا الكبير. احنا الأربعة اتربينا في بيت بسيط.
كما اوضح :"بابا كان موظف في وزارة التربية والتعليم، واتنيح وأنا عندي 14 سنة، وكان أخويا الصغير عنده ست سنين، وأمي ربتنا تربية جميلة، واحنا الأربعة دخلنا كلية الطب، أربعة أطباء، وكنا بنخدم في الكنيسة.
لافتا :"لي شقيق كاهن، ولي أخت زوجها بقى كاهن، وأخت رابعة طبيبة زوجها طبيب، فحقيقة أمي تعبت معانا قوي، ولما كانوا يمدحوها تقول: أنا ما عملتش حاجة، أنا حطيتهم في الكنيسة والكنيسة كملت.
