كتب - محرر الاقباط متحدون
رد نيافة الحبر الجليل الأنبا مكسيموس، مطران بنها وقويسنا وتوابعها، على سؤالٍ يقول:"هل كان لدى نيافتكم أي مواهب، مثل الموسيقى أو الشعر أو الكتابة، أم إن الطالب المتفوق ليس بالضرورة أن تكون لديه مواهب؟.
وقال نيافته خلال حلوله ضيفا على برنامج "أباؤنا"، المذاع عبر قناة مي سات القبطية الارثوذكسية :" كانت حياتي كلها المذاكرة والكنيسة، ما أقدرش أسميها مواهب، لكن أقول ربنا إداني حاجة إن أنا كنت أحب الناس قوي.
وتابع:"وأحب أتعامل مع الناس، وربنا إداني نعمة في عين الناس بأن أي حد أقابله يحس إن أنا أعرفه من زمان.
لافتا :"في موهبة ربنا بيديها اسمها الابتسامة، في ناس فاكرة كلمة موهبة يبقى لازم يكون بيرسم حلو زي بيكاسو أو موسيقى يبقى هو بيعزف زي بيتهوفن.
وتابع:" أبدا، في مواهب بسيطة جدا جدا، يعني الابتسامة دي موهبة من ربنا، الواحد يقابل أي حد مبتسم.
مشيرا :" الابتسامة دي معناها إن أنا بحبك وفرحان إن أنا شفتك، زي ما الشمس بتفتح الورد، الابتسامة تفتح الدنيا كلها، فدي حاجة ربنا إداهاني.
