القرار
طوِّبوها بالصفات اللي تسعد قلبها،
نقِّي فكرك من الحاجات اللي حلوة وعكسها،
رتِّلوا لست البنات اللي فدانا ابنها،
هي عايشة بالصفات، بيها أخدت مجدها.
(1)
مين بيحب العدرا؟ مين مين يفرح قلبها؟
البنات ويا البنين تكون صفاتهم زيها،
ييجي يرجع للأمين اللي شالته في بطنها،
يسلكوا في كل حين حتى يَرَوا مجدها.
(2)
مين يحب العدرا؟ مين مين يقرب منها؟
يعيشوا كل السنين في تواضع قلبها،
بالمحبة مأسورين للي أصبح طفلها،
عاشوا العالم عابرين بالأمانة مثلها.
(3)
مين يحب العدرا؟ مين مين يشوفها في ملكها؟
اللي عنده كمال الدين في المحبة وسترها،
وليسوع دايمًا أمين، ربح الوزنة وزيها،
للبنات ويا البنين الطهارة تحبها.
✍️ ممدوح الديري ✍️
