كتب - محرر الاقباط متحدون
قال نيافة الحبر الجليل الأنبا ميخائيل، أسقف حلوان وتوابعها:"الله ينذرنا ويعلن لنا عن ذاته، ويقول لنا: أنا أحبكم وأخشى عليكم.
مضيفا خلال إلقائه عظة في صلاة عشية عيد استشهاد القديس القوي الأنبا موسى الأسود:"يقول : أخاف على الخاطئ السائر في طريق سيء، فأقول له: يا بني، هذا طريق سيهلكك، وفي النهاية ستخسر الحياة الأبدية.
لافتا :"دايما كنا نقول كده للست اللي زعلانة مع جوزها، نقول لها: صلي له وقولي له: أوعى يا رب تحرمه من الملكوت.
وتابع:" نقولها صلي إن ربنا ما يحرموش أبدا من السماء ومن الملكوت، وأنت صلي لها وهي تعباك، قول: أوعى يا رب تحرمها من السماء ومن الملكوت.
كما لفت:"لأنه هو هو في حاجة أصعب من إن احنا نخسر السما؟.
وواصل:"رب المجد بيتكلم مع شعبه وهو زعلان منهم جدا، عارف الأب قبل امتحان الثانوية يقول لابنه: يا ابني ذاكر، أنا خايف عليك.
وتابع:" وربنا يقول لنا: أوعى تروح منك الأبدية يا ابني، اللي أنت فيه ده غلط، حاسب، ده أنت ابني، ده أنا على كفي نقشتك، اللي يمسكم يمس حدقة عيني، أنت حبيبي وغالي عليا، وكل يوم أنا معاك.
