استنكر الكاتب محمد أبو قمر واقعة اعتداء رجل مسن لفظيا على موظف مسيحي، حيث هدده المسن بالقتل ووصفه بـ"الكافر" و"الكلب"، وكتب أبو قمر عبر حسابه على فيسبوك :"
1- حوادث الاعتداء إللي بيكون طرفها أحد المسنين دايما بيكون لها طعم ديني ، يعني حادثة المترو إللي اعتدي فيها مسن علي فتاه كان تفسير الاعتداء ده حسب آراء كتير من المشاليل والعجزه والمكسحين إن المسن كان بيدافع عن القيم والتقاليد ، ودا مش صحيح ، لأن القيم والتقاليد مفيهاش سفالة ولا فيها محاوله للقهر والتخويف ولا فيها استعراض أو تهديد باستخدام القوة مهما كان السبب.
2- القيم والتقاليد أدب ، وروح طيبه ، وتسامح ، وعطف ، وإنسانيه ، واستخدام أسلوب النصح بدل العجرفه والهمجيه.
3- الاعتداءات إللي من نوعية اعتداء مسن علي امرأه بحجة جلوسها بشكل غير لائق تتعلق بالاستعلاء الديني والنظره الدونية للمرأه إللي بيروجها بعض الدعاه.
3- اعتداء الراجل إللي في الصوره ده علي المسيحي وتكفيره وتهديده بالقتل كتير من الافنديه إياهم برروا الحادثه الغريبه دي بكبر سن الرجل ، وكأن الرجل المسن مش المفروض يكون حليم وعطوف ورزين وعاقل ويتمتع بطيبة القلب إنما حسب تبرير الافنديه إياهم المفروض يكون عدواني وهمجي وعنصري .
4- يعني حسب آراء المبرراتيه المنحطين المفروض لما نكبر أوي في السن كده لازم نكون سفله وعلي كل من يريد التعامل معنا أن يتقبل الانحطاط والسفاله والعنصريه والغباء ده.
