كتب - محرر الاقباط متحدون
رد وزير الثقافة المصري الأسبق فاروق حسني على سؤال جاء فيه: "هل كنت تتدخل لصالح الصحفيين والكتاب؟ وهل كان الرئيس مبارك يتخذ موقفا منهم؟ وبالنسبة للأحكام التي صدرت بحق بعض الصحفيين، ومن بينهم إبراهيم عيسى الذي صدر بحقه عفو رئاسي آنذاك، هل تدخلت لمنع صدور أحكام ضد بعض الصحفيين؟.
وقال حسني في تصريحات للعربية :"أنا كنت أعتبر نفسي مندوب المثقفين والكتاب لدى الحكومة، وليس العكس.
مؤكدا:"كنت دائما في صف الكاتب والمثقف، وكانت لدي أدواتي، ولم يقف الرئيس مبارك ضدي يوما في أي أمر.
وتابع:" هو يقول عايز كذا، أنا أقول له: يا ريس، أنا شايف إن الأفضل نعمل كده، فكان يوافق على طول، كان في ثقة بيني وبينه مطلقة.
لافتا:"إبراهيم عيسى أنا عارفه، وعارف وطنيته، وإنه إنسان لطيف جدا، واللي على قلبه بيقوله على لسانه على طول، فأنا الحقيقة لما لقيته اتحكم عليه بثلاث شهور سجن، أنا كلمت الرئاسة.
وتابع:" قلت: يعني معقولة يتسجن ثلاث شهور؟ قال لي: وأنا مالي؟ وأنا اللي سجنته؟ ده القاضي، قلت: بس ده مش سجن جنائي، دي مسألة اجتماعية، وحضرتك ممكن تتدخل فيها.
موضحا:"فسكت، واتقفلت المكالمة على إنه سكت، تاني يوم عرفت إن هو تدخل وعمل ده.
