كتب - محرر الاقباط متحدون
قال رجل الأعمال المهندس نجيب ساويرس:" الشخص الذي غير مسار حياتي هو أستاذي في المدرسة الألمانية، أستاذ الفلسفة، وكان رجلا ألمانيا وقد نجح في تغيير مسار حياتي.
مضيفا في تصريحات لبرنامج "شربل يستقبل" على CNN:"وأنا عندي 18 سنة قال لي:أنت بتهدم نفسك، أنت ربنا اداك ذكاء غير عادي، وأنت متوسط في الدرجات في الفصل.
لافتا:"أنا بقى بغرور الشباب قلت له: أصل أنا مش عايز أعمل وجود أكتر من كده، وأنا لو عايز أطلع الأول هطلع الأول على المدرسة.
فقال لي:لا، أنا أراهنك"، قال لي: "100 جنيه مني، وأنت تديني جنيه لو فشلت، وأنت مش هتطلع الأول بالطريقة اللي أنت ماشي بيها".
وتابع:"فراح مغير حياتي، أنا بقى عنيد، قفلت على نفسي سنة كاملة من سبعة الصبح لبليل مذاكرة، قلبت شخصيتي بالكامل، وطلعت النتيجة وطلعت الأول على المدرسة.
موضحا:" واداني 100 جنيه، وقال لي: دي أحسن 100 جنيه استثمرتها في حياتي.
مشيرا :"فتعلمت لذة الفوز، لذة إن أنت تبقى الأول، اتعلمت إن في ثمن عشان تبقى الأول، فغير حياتي من واحد كان عايز يبقى في النص ما يتعبش نفسه، لواحد بقى عايز يبقى الأحسن.
