كتب - محرر الاقباط متحدون 
رد نيافة الأنبا رافائيل، أسقف عام كنائس وسط القاهرة، على سؤال جاء فيه: "بمناسبة اقتراب السيدة العذراء'> صوم السيدة العذراء، نلاحظ في بعض النهضات بالكنائس قيام فتاة بتمثيل السيدة العذراء، مرتدية ملابسها، وتسير في الزفة خلال صلاة العشية، ويتبرك منها الشعب وكأننا في مسرح، فهل هذا الأمر صحيح؟".
 
وقال نيافته خلال برنامج (تيناهتي) المذاع عبر قناة (مي سات ) :"ارجوكم الليتورجيا اللي هي الصلوات الرسمية في الكنيسة، ارجو أن نحتفظ بالوقار بتاعها. 
 
وتابع"اللي عايز يعمل حاجة زي كده بيعملها في الكورال اللي بيتقدم بعد العشية، طفلة لابسة ملابس العذراء ما فيش مانع في احتفال، ليلة عيد العذراء عاملين احتفال، أو في يوم عيد العذراء عاملين احتفال، أو في أي مناسبة في الحضانة أو مدارس الأحد.
 
وواصل:" في الاحتفالات اعملوا اللي عايزين تعملوه، لكن ارجوكم خلوا الليتورجيا ليها الوقار بتاعها.
 
مؤكدا:" الليتورجيا ما فيهاش تمثيل، إحنا بنصلي,
 
فلا حد يلبس ملابس العذراء، ولا حد يلبس أبو سيفين، ولا مار جرجس، لكن في الكورال إنتوا أحرار.