كتب - محرر الاقباط متحدون
سلط برنامج "مساء dmc"، الضوء على تصريحات قداسة البابا تواضروس الثاني، بابا الإسكندرية وبطريرك الكرازة المرقسية، خلال عظته في اجتماع الأربعاء الأسبوعي، ضمن فعاليات ملتقى لوجوس چونيور، بمركز لوجوس بدير القديس الأنبا بيشوي بوادي النطرون، من بينها :" المصريين بسبب نهر النيل عاشوا بجوار بعضهم البعض ومتقاربين، لذلك حدث هذا التقارب بين المصريين بكل أنماطهم وأشكالهم ومعتقداتهم.
وفي هذا الصدد قال قداسته خلال اتصال هاتفي لبرنامج "مساء dmc":"كان الهدف اللي عايز أوصله للأولاد إننا عايشين حوالين نهر النيل، ونهر النيل هو اللي بناخد منه الحياة والمياه.
وتابع:"وعشان كده إحنا عايشين قريبين من بعض، وقلت لهم إننا بنحب الزحمة وبنحب نبقى قريبين جدا من بعضنا البعض.
لافتا:"وحتى المعابد والمساجد والكنائس بنبنيها قريب من نهر النيل، وده خلق بينا حاجة اسمها الوحدة الوطنية.
موضحا:"وخليت الأولاد يكرروا العبارة دي، وبعدها سألتهم: مين اللي عمل النهر؟ فقالوا: ربنا، فقلت لهم: يبقى مين اللي عمل لنا الوحدة؟ هو ربنا، وده اللي بيخلينا كلنا صورة واحدة.
