وسلط رشدي الضوء على أزمة اللاعب الناشئ "مكاري يونان"، الذي تم استبعاده من اختبارات كرة القدم بنادي الاتحاد السكندري بسبب اسمه.
مشيدا بتدخل وزارة الشباب والرياضة وبيانها الرسمي الحاسم واتخاذ قرار بمعاقبة المدرب.
وأضاف رشدي خلال تقديم برنامج "هنا القاهرة" على قناة مودرن MTI:"أنا أرى أن نلغيها، ونقلب البطاقة الشخصية على ظهرها ونشطب هذه الخانة ونلغيها، كونها تثير الجدل بلا داعٍ.
ورأى :"لا يوجد ما يمنع أن نتخذ هذا القرار ونلغي خانة الديانة من البطاقة ونرتاح من كل هذه الضجة.
لافتا:" الناس تخاف الحديث في هذا الموضوع، لكن دعونا اليوم نفتح ملف خانة الديانة في البطاقة.
وتابع:" وسوف نتحدث فيه بشجاعة ووضوح، وبصراحة، مقدمين المعلومات والتواريخ والوقائع الصادمة.
وأضاف:"قبل ما تسألني ايه اللي يخليك تتكلم في الموضوع الملغم ده يا عم وتفتحه تاني هقول لك وبسرعة اصل الحكاية، الواقعة جاءت كالتالي :
-انت لعيب كويس يا ابني وحريف جدا، اسمك إيه؟
- اسمي مكاري يا كابتن
-بس اسمك صعب يا مكاري، هنطقه إزاي يعني؟
وتابع:"وضحك الكابتن وفجأة لقى مكاري نفسه بعد ما كان حريف برة اختبارات النادي اللي الكابتن كان من ساعة بيقوله أنت لعيب وحريف.
لافتا:"ده كان ملخص القصة اللي قلبت الدنيا في اختبارات الناشئين بنادي الاتحاد السكندري.
موضحا:"وقتها بسرعة طلع بيان يطرمخ على الحدوتة ويقول إن ما فيش تمييز ولا عنصرية ولا أي حاجة، والكابتن كان بيهزر مع مكاري.
موضحا:"لكن وزارة الشباب والرياضة في موقف شجاع حققت في الموضوع وأثبتت إنه لأ، فيه تمييز، وعاقبت الكابتن.
وتابع :"فشكرا لوزارة الشباب والرياضة، والقصة حصلت في الاتحاد من كام يوم، لكن القصة دي بتحصل في كل موسم مع اختبارات قطاعات الناشئين في الأندية، بنسمع زيها.
وواصل:" بس حظ الكابتن ونادي الاتحاد إن الموضوع بتاع ليه ما فيش لاعب مسيحي؟ كان تريند بعد شوية الجدل اللي حصل حوالين المنتخب.
موضحا:"وبيان وزارة الشباب والرياضة زي ما قلت لك وموقفها المحترم حسم هذا الموضوع، وعاقب المدرب، وبقى جرس إنذار ودرس لكل الناس في قطاعات الناشئين.
