ترفع قلبك تسمو بروحك، خلي صيامك للبنيان
خلي صيام العذراء الطاهرة، آخره يكون لك فيه غفران.
تفرح هي بنشوة روحك، راجع أنت للحنان،
مهما بتطلب منها بترفع، تشفع هي للإنسان.
كل سعادة قلب الطاهرة، ليسوع نرجع زي زمان،
صوم عن شرك بقلوبٍ ساهرة، تطلب رحمةً وخيرً وأمان.
جوه كنيسة ونهضة عظيمة، روحك عايشة بالإيمان،
لما تزور البيعة الطاهرة، مريم حاضرة في كل زمان.
فوق القبة بتكون ظاهرة، وجوه في قلبك ليها مكان،
حب يسوع، والعذراء تحبك... أدي القصة والعنوان.
ممدوح الديري ✍️
