ظهر المبرمج المصري أبانوب اسطفانوس صاحب ومؤسس منصة EasyOrders، في مقطع فيديو، استغاث خلاله بعد تلقيه تهديدات بخطف ابنته وقتلها.
مشيرا إلى أن الرسائل التي تلقاها تضمنت عبارات تهديد، من بينها:"أنت لا تستحق هذه المكانة، ويكفي هذا على منصتك، ولابد أن تفشل.
وقال أبانوب اسطفانوس:" يا جماعة أنا في امس الحاجة ليكم اقفوا جنبي أنا بتعرض لتهديد وبتعرض لتهديد بقتل وخطف بنتي أنا ما كنتش عايز اتكلم أنا أصلا قافل الفيس فترة ومش عايز اتكلم.
مضيفا :"بس أنا بسعى وبعمل محاضر وكل ما أمشي خطوة وأروح خطوة الموضوع يتأجل ويبوظ ويتأخر في حد مستقصدني بدأ الموضوع إن هو بيبعت رسائل مكتوب فيها أنت ما تستاهلش اللي أنت فيه منصتك كفاية عليها كده أنت لازم تقع وإحنا لازم نبقى مكانك.
وواصل:"بعد كده بدأوا يعملوا هجمات إلكترونية وإحنا نصدها والقصص دي كلها وبعدين بقى الموضوع يوصل لتهديد اتقالي بالحرف وأنت بتخلي بالك من شغلك خلي بالك من بنتك اللي في كذا.
موضحا:"وقال اسم الحضانة بتاعتها واسم الحضانة ده مش معلومة كل الناس عارفاها فده حد كان بيمشي ورايا وعارف أنا بروح فين وأجيب بنتي من حضانة إيه وأروح فين وأجي منين.
كما أوضح:"وكل ده عملناه في محضر كان بيبعت الكلام ده في الأوردرات على المنصة في خانة العنوان وبيكتب في خانة العنوان رسائل التهديد، البيانات دي كلها ما جايبها من IP بتاعه وبياناته.
وأضاف:"كل ده راح لمباحث الإنترنت، الموضوع اتأخر وأنا قلقان على بنتي، أنا ماشي بيها في كل حتة رايح جاي بيها قلقان ده واحد بيهددني بقتلها.
