كتب - محرر الاقباط متحدون
علق المحامي هاني رمسيس، على واقعة منع زائرة من أداء صلاة الظهر داخل مطعم بمول العرب والتي انتهت باعتذار إدارة المطعم وتخصيص مكان للصلاة داخل الفرع.
وكتب رمسيس عبر حسابه على فيسبوك :"الطبيعى ان تكون الصلاة في الأماكن المخصصه لها وانا لست مع دعوات كل واحد ياخد اجبيته (أحد كتب الصلوات للمسيحين) ويقف يصلى فى مطعم او نادى او مكان عام لا، مش مقبول عاوز تصلى صلى براحتك ولكن فى الاماكن المخصصه للصلاة، وغير مقتنع إن إنك تبقى قاعد فى مطعم او نادى او كافيه وناس واقفه تصلى وسط الاغانى والشيشه او الماره
ليه الكلام ده ما كل واحد يصلى فى المكان المخصص للصلاه، ده لا يمكن يقلل من العباده بل يحفظ خشوعها وروحانياتها.
مضيفا:"المساجد اثناء صلاة الجمعة تفرش سجاجيد أو حصر فى الشوارع ده منطقى لانه وقت الصلاه المسجد لا يتسع بعدد المصلين وبعد الصلاه تجمع الحصر او السجاجيد ولا تترك لتغلق الشوارع وطبيعى فى المناسبات والاعياد ان تكون هناك اجراءات وتنظيم استثنائى للناس لارتفاع اعداد المصلين وتغلق بعض الشوارع مقبول جدا ولكن بشكل استثنائى وبمجرد انتهاء الصلاه تعود الشوارع لطبيعتها فلا تعطل عمل حركة أعمال الناس الصلاه الطبيعى ان تكون فى المكان المخصص لها.
