علق الإعلامي محمد الدسوقي رشدي على تريند منع زبونة من الصلاة داخل أحد المطاعم، وقال إن هناك لعبة تُمارس من خلال وسائل التواصل الاجتماعي.
مضيفا خلال تقديم برنامج "اليوم هنا القاهرة" على قناة مودرن MTI:"وهي لعبة إيهام الناس بأن مجتمعهم منحل، حتى يشعروا بأن مجتمعهم بلا دين وأن الإسلام يضيع.
لافتا:"فيعملوا إيه؟ زي ما قلت لك هنا من شهر، يصنعوا حاجة اسمها صناعة الاستدعاء المجتمعي للإسلاميين.
موضحا:"بمعنى إن أهل التطرف من إخوان وسلفيين وغيرهم اتقفل في وشهم الباب، واتفضحوا بتناقضاتهم، فلازم يخلقوا حالة إن المجتمع منحل والدين بيضيع، فيرجعوا تاني من باب الدعوة وإنقاذ الدين.
لافتا:"نفس الفكرة بالملي اللي بنى عليها حسن البنا دعوته ووجوده، بيتم ابتزاز الناس باسم الدين، زي ما بيحصل في موضوع منعوا الست تصلي في المطعم.
وواصل:"مع إن أنا وإنت وهو وهي والناس الحلوة في البلد دي كلها بنعدي كل يوم على الأرصفة وفي الشوارع وفي المطاعم، والناس فارشة وبتصلي عادي.
وتابع:"بس إزاي لازم نعمل مظلومية جديدة علشان نغذي إحساس إن المجتمع ضاع والدين ضاع، علشان يلاقي المتطرفين مبرر يرجعوا تاني يشتغلوا دعوة، سرية بقى أو علنية.
