هو اللي اختارها تكون أُمّه، ويعيش إنسان وتشيل همّه
على صدرها كانت بتضمّه، وده مش محتاج لحنان أُمّه
هو اللي حنانه مغطّينا، وبيملا الكون ومفيش زَيّه أهو جه للعدرا وِلد منها، ودي مين في صفاتها تكون أُمّه
مريم يا جميلة يا بشارية، أهداكي ربنا بعطيّه
إنتِ اللي صفاتك سماوية، وغيرك في العالم ما يهمّه
كنتي بصلاتك مشغولة، والهيكل عايلة كمان همّه
وبسيطة وقلبك متواضع، ولا عايشة العالم ولا همّه
بتحبك كل شعوب الأرض، ويطوّبوا فيكي ويهتمّوا
ابنك كان عايش يرضيكي، وده مهما طلبتي بيهمّه
وفي عُرس القانا سمع ليكي، تملوا الأجران يلا ولمّوا
فين جسدك قولي يا مريومة، أخده السيد عنده وضمّه
ممدوح الديري ✍️
