كتب - محرر الاقباط متحدون
أشاد صانع المحتوى "هزيم" بمحبة وشهامة رجل مصري يُدعى "العم بشارة"، يقيم في ألمانيا مع أسرته، ويحرص على توزيع الخبز على المصريين دون أن يعرف أسماءهم.
وكتب هزيم عبر صفحته الرسمية على فيسبوك:" راجل مصري طيب اسمه عم "بشارة"، قاعد في المانيا بقاله ٤٠ سنة هو وأسرته، بنته عايشة معانا في نفس العمارة بيعدي عليها كل اسبوع يديها تموينها زي اي اب مصري، من العيش والخضار والفاكهة، ورغم انها متربية هنا من اول يوم في حياتها الا ان عندها هي كمان جدعنة المصريين ومطبخها دايمًا طالع منه ريحة الطبيخ المصري.
مضيفا :"لما عرف ان فيه سكان مصريين تانيين في العمارة بقا بيعمل حسابي انا كمان في العيش من غير ما اقوله ولا حتى يعرف اسمي.
موضحا:"الاسبوع دا بنته في ايطاليا اجازة، لكنه قرر ياخد عربيته وييجي مخصوص يديني العيش حتى لو بنته مش موجودة، لمجرد اني مصري، مصريين ممكن يخرجوا من مصر، بس مصر وجدعنة ولاد البلد متخرجش منهم ابدًا، يا رب وقفلنا دايمًا ولاد الحلال.
