الإبيذياكون د. بولا وجيه يكتب: "هو عارف"
في أوقات بنبقى مش قادرين نتكلم، مش عارفين نشرح اللي جوانا، ويمكن حتى نفسنا مش فاهمة إحنا مالنا بالظبط. وفي وسط السكوت ده، أجمل حاجة تطمّن القلب إنك عارف إن فيه حد مش محتاج منك شرح علشان يفهمك.
في سفر طوبيا بنقرأ: «أَنَّكَ يَا رَبِّ عَالِمٌ». جملة قصيرة، لكنها كفاية جدًا. ربنا عارف الحكاية من أولها، عارف تعبك، خوفك، نيتك، والوجع اللي مخبيه ورا كلمة "أنا كويس".
مش لازم تبرر نفسك طول الوقت، ومش لازم كل الناس تفهمك. يكفي إن ربنا عارف الحقيقة كاملة، وعارف قلبك حتى في الوقت اللي أنت مش قادر تعبّر فيه عنه.
أكبر طمأنينة مش إن كل حاجة تتقال.. لكن إنك متأكد إن اللي عارف كل حاجة عنك، لسه شايلك في إيده.
✟ «أَنَّكَ يَا رَبِّ عَالِمٌ.»
•• طو 3: 16
