الإبيذياكون د. بولا وجيه يكتب: "أمانة ربنا ثابتة"
ممكن ناس كتير تتغير، وممكن ناس كنت فاكرهم أمان ليك يخذلوك، وممكن ظروف كانت مستقرة فجأة تتقلب، وتحس إن مفيش حاجة بقت مضمونة زي الأول. لكن وسط كل التغييرات دي، فيه حاجة واحدة تقدر تسند عليها قلبك: أمانة ربنا.
في سفر مراثي إرميا بنقرأ: «كَثِيرَةٌ أَمَانَتُكَ». والجميل إن الكلام ده اتقال وسط وقت مليان تعب وألم، يعني أمانة ربنا مش مرتبطة إن حياتنا تكون سهلة أو إن كل حاجة تمشي زي ما إحنا عايزين.
يمكن الناس تتغير، لكن ربنا ما بيتغيرش. يمكن الظروف تتبدل، لكن رحمته مش بتتبدل معاها. ويمكن أنت نفسك تبقى مش فاهم إيه اللي بيحصل، لكن تقدر تفضل واثق إن إيده لسه ماسكة حياتك.
متقيسش أمانة ربنا على أمانة البشر.. البشر ممكن يتغيروا، لكن ربنا يفضل ثابت، ورحمته تفضل جديدة كل صباح.
✟ «كَثِيرَةٌ أَمَانَتُكَ.»
•• مرا 3: 23
