د. بولا وجيه يكتب: القوي اللي مابيتهدش
عارفين إيه أكتر وجع بيستخبى ورا الضحكة؟
وجع الشخص اللي الكل متعود يشوفه (قوي).. الشخص اللي الكل بيرميله همومه ويمشي وهو مطمن، بس محدش بيفكر يسأله هو شخصياً عامل إيه.
لما تبقى انت السناده لكل اللي حواليك، مع الوقت الناس بتنسى إنك إنسان من لحم ودم، بتنسى إن كتفك اللي بيسندهم ده أوقات بيتخلع من كتر الحِمل، وإن قلبك اللي بيطبطب عليهم محتاج اللي يطبطب عليه.
والأصعب إنك يوم ما بتتعب أو تضعف، الناس بتستغربك، وأوقات بتلومك كأن مش من حقك تقع!
اقرا الايه دي معلش:
يُعْطِي الْمُعْيِيَ قُوَّةً، وَلِعَدِيمِ الْقُوَّةِ يُكَثِّرُ شِدَّةً.
سفر إشعياء 29:40
ربنا عارف إنك تعبت من دور (القوي اللي مابيتهدش).
هو الوحيد اللي قدامه مش محتاج تلبس قناع القوة، ولا تداري رعشة إيدك، ولا تحسب كلامك.
ارمي تقلك عليه النهارده، وقوله:
(يارب أنا قدام الناس واقف، بس قدامك أنا ماعنديش قوه.. اسندني انت عشان أعرف أكمل).
