كتب - محرر الاقباط متحدون
حذرت أميرة محمود، منسق اتحاد أمهات مصر للنهوض بالتعليم، من كثرة التقييمات المدرسية، مشيرة إلى أنها تمثل ضغطا على الأطفال، ولا تترك لهم وقتا كافيا للترفيه وممارسة الأنشطة الأخرى.
مضيفة خلال حلولها ضيفة على برنامج"الحكاية"، تقديم الإعلامي عمرو أديب:"إحنا معاها، بس إحنا عندنا كده كده امتحانات كل شهر، ما نخلي التقييم مرة كل أسبوعين بدل ما يبقى مرة كل أسبوع.
لافتة:" أنت كدة بتطلع جيل مرعوب، جيل خايف يغلط فيخسر درجة.
وتابعت:"مش كده وبس، تعالى نتكلم على امتحانات الشهر، ييجي مثلا طالب عنده سخونية أو عنده أي دور تعب، لو تعبان عنده إيه، لازم ينزل يروح يمتحن طب إزاي؟!.
موضحة:" مش بس كده، ده عشان أعيد امتحان الشهر، إيه الحل؟ أروح بقى للتأمين الصحي، اللي هو ممكن يكون الطالب أصلا مش بيروح له في العادي.
لافتة:"طب ما إحنا كنا في السنين اللي قبل كده بنقدر نروح أي مستشفى خاصة عادي، نكشف على ابني أو على بنتي.
وتابعت:"إحنا لازم نبسط الدنيا شوية، لما كل واحد عنده ابنه تعبان هيروح للتأمين الصحي، متخيل التكدس بيبقى عامل إزاي؟، يبقى إحنا كده بننقل العدوى لبعض كمان.
وأضافت:" بدل ما أروح أقف في التأمين الصحي، أبعت ابني المدرسة، طب ما هو كدة هيعدي حد تاني سليم، يبقى إيه الهدف؟.
