كتب - محرر الاقباط متحدون
قال الإعلامي إبراهيم عيسى:"محمد صلاح لاعب مصري عالمي، كوني، كوكبي، استثنائي، لا مثيل له.
مضيفا عبر قناته على يوتيوب:" ونجاحاته كلها جاءت لأنه خرج من إطار منظومة كرة القدم في مصر، التي كان من الممكن أن تدمر مستقبله لو استمر فيها.
ورأى:"لما أتكلم عن اللاعب المصري العام، الـ99.9% في مصر مش قاسيين مع نفسهم، بمعنى إن هم لما تتوفر الفلوس وأول ما يرتاح تقريبا "بيكرش" في الملعب.
وتابع:"ما فيش قسوة الحياة اللي فيها محمد صلاح، اللي كان في فترة من الفترات تقريبا كان راتبه الشهري، أظن كان مليار جنيه مصري، الشهري ولا السنوي.
وواصل:" لكن في الآخر المليارات بتاعة ميسي وبتاعة رونالدو وغيرهم من اللاعبين العالميين عمرها ما خلتهم ما يصحوش الساعة 6 الصبح، ينزلوا الجيم ويعملوا تدريباتهم، ويروحوا في المواعيد بالضبط مع المدرب والمدير الفني.
وواصل:" ويسمعوا كلام المدير الفني ويشتغلوا على نفسهم مع مدربين مخصوصين وفريق معاهم عشان يطوروا إمكانياتهم، ويبقوا محافظين على صحتهم وعلى تغذيتهم ونوع أكلهم، ومنضبطين في حياتهم الخاصة عشان يعطوا، لجسدهم قدرة وقوة أكثر.
لافتا:"فتلاقي ميسي اللي بيعيش بكل هذه الروعة، ورونالدو ومحمد صلاح في الناحية الثانية، نيمار اللي بيفرط في حاجات كتير قوي، فتلاقيه يتاكل وموهبته معاه.
وأضاف:"هتلاقي أمثلة من دي، الأمثلة دي بقى الاستثنائية بره، اللي هي اللي بتفرط في نفسها، هي القاعدة في مصر، واللي يبقوا معجبين قوي بشهرتهم المحلية وبالعيال اللي يقابلوهم في الشارع ويمسكوا فيهم: يا كابتن ومش يا كابتن، ونظام يعني أفلام غريب في بيتي والشياطين والكورة والحاجات دي، وما يبقاش عندهم الطموح إن هم يبقوا قاسيين مع نفسهم عشان يبقوا أفضل وأحسن.
