كتب - محرر الاقباط متحدون
قال الإعلامي والكاتب الصحفي إبراهيم عيسى:" مشروع العاصمة الإدارية الجديدة بادرة ممتازة ومهمة جدا.
مضيفا عبر قناته على يوتيوب:" لكن لم يكن من المفترض أن ندفع فيه مليما واحدا، لم يكن من المفترض أن تنفق عليه الدولة.
لافتا:"يقول لك الدولة ما صرفتش، كإن دي أرض حد تاني مثلا، طالما الورق مش طالع فيه إن ده رقم طالع من الحكومة، من موازنة وزارة المالية.
وواصل:"أمال هيئة المجتمعات العمرانية دي إيه؟ أو المؤسسات النظامية الأخرى؟ ما دي الدولة، ودي مصر، وده الشعب المصري، ودي فلوسه، يعني حاجة عجيبة جدا.
مشيرا:"العاصمة الإدارية مشروع عملاق، وكان في إيدنا إن إحنا نديه لمؤسسات عربية تعمله، زي ما عملت غيره، زي ما بتعمل غيره في مصر في إطار استثمار.
وواصل:"وتصرف عليه، وإحنا ناخد الضرائب والرسوم وكل حاجة، ونفرض اللي إحنا عايزينه، بدل ما نورط نفسنا هنا في مليارات الديون علشان خاطر نعمل مشروع.





