حرصت الفن'>الفنانة منة فضالي، على مساندة الإعلامية ريهام سعيد، بنشر صورة للأخيرة عبر صفحتها علي موقع "إنستجرام" وعلقت عليها قائلة: "كل يوم بسمع كلام شكل فاللي هقوله دلوقتي يخص ريهام بس، هي من أطيب خلق الله وجدعة ومن قبل ما أعرفها عارفة إنها بـ100 راجل".
وتابعت منة كلامها قائلة: "إذا ربنا ابتلاكي يبقي بيحبك و بيحبك أوي، وبكرة ترجعي أحسن من الأول مهما كان اللي عندك ربنا كبير يا حبيبتي، وانتي ست الناس بجد مش مجاملة أنا فعلًا بحبك وبحترمك وربنا يبعد عنك أي حاجه وحشه".
واستنكرت فضالي، ما يثار من شائعات حول حالة ريهام سعيد وقالت: "أما بخصوص الكلام الكتير اللي ملوش لازمة حرام عليكم تكتبوا أي حاجه من غير ما تتاكدوا، هي ريهام دي ملهاش أهل لما يشوفوا كل يوم خبر أوحش من اللي قبله مش ممكن حد من أهلها يتعب علشان كلام كذب، أرجوكم طول عمري بقول ارحمو الناس اللي عنده كلمة حلوه يقولها، ونتأكد قبل ما نكتب أي حاجة مش عيب بالعكس ده احترام و تقدير".
وأضافت: "أنا لما دخلت عمليات قالوا كتير ميعرفوش إني كنت بموت وهما فاكرين بعمل عمليات تجميل، أرجوكم ارحمونا مش علشان إحنا فنانين أو إعلاميين نكون مش بشر أو معندناش دم وإحساس، بالعكس إحنا عندنا أكتر من أي حد".
واختتمت منة كلامها مطالبة الجمهور بالدعاء لريهام سعيد ومراعاة مشاعر الآخرين قائلة: "اتمنولها ترجع بالسلامة وراعو مشاعر الآخرين، وآسفه لو كلامي فيه غلط بس نفسي تحبونا زي ما بنحبكم، سلامتك يا أحلى ريهام " .
يذكر أن ريهام سعيد قد أصيبت بمرض في الوجه وقامت بإجراء عملية، ونصحها الأطباء بعدم الخروج من المنزل لمدة أسبوعين ومنعت عنها الزيارة.
