كتبت :مارتينا موريس
شارك الفنان أحمد زاهر متابعي عبر حسابه الخاص بموقع التواصل الإجتماعي " إنستجرام" ، بصورة جمعته مع المطرب رامي جمال .
وعلق " زاهر" علي الصورة قائلاً : " يا رامي يا صديقي يا فنان يا جامد انت اقوي من اي مرض و هاتفضل تمتعنا بأعمالك و هاتعمل احلي و اجمل من كل اللي فات كلنا مستنيين أغانيك الجديدة يا صديقي بفارغ الصبر و اللي بيحبك هايفضل يحبك مهما حصل و اللي مش عايز يسلم بناقصه خالص انت ما شاء الله جمهورك كبير اوي ربنا معاك يا صاحبي و كلنا معاك حبيبي يا رامي @ramygamalmusic".
ورد الفنان رامي جمال معلقاً علي كلام "زاهر" : " والله انا بحبك ومن غير كلامك انت وكل المحترمين اللي زيك كانت بقت صعبه اوي الحياه شكرًا يا ابن الاصول".
وتتابعت التعلقات : " ربنا يشفيك يا نجم باذن الله خليها علي الله وكمل , لازم يكمل ويحارب وناس كتير جدا دلوقتي بقوا فاهمين طبيعه كل مرض واللي مش بيفهموا هيفهموا , انا وحده من جمهورك وانت فنان كبير يا رامي واحنا معاك ووراك لان فعلاا اعمالك تستاهل ان احنا نسمعها و نقدرها وكل مؤمن مبتله بس المؤمن بجد هو اللي بيصبر و يحتسب وان شاء الله خير بحس ظننا ف الله ربنا معاك و احنا وراك ".
الجدير بالذكر قام الفنان رامي جمال بإعلانه عن إصابته بمرض البهاق ، حيث صرح أنه وجد في جسمه بقع بيضاء اللون ، ونشر عبر حسابه الخاص بموقع التواصل الإجتماعي " فيسبوك" قائلاً : " الحمد لله الذي أحبني فابتلاني وقدرني على الصبر.. من فترة ظهرت بقع بيضا في جسمي وبالكشف عرفت إنه مرض البهاق، وجربت أنواع علاج كتير ودكاترة كتير ومفيش فايدة".
