كتبت : مارتينا موريس
بكل الحزن والأسي شاركت الفنانه الشابه هنا الزاهد جمهورها عبر موقع التواصل الإجتماعي إنستجرام بصورة لها مع الراحل طلعت زكريا الحاضر الغائب بأعماله الفنية و افاهاته المحفوظه.
وعلقت عليها "الزاهد" قائلة : دي اخر صورة اتصورتها في كتب كتابي مع ابويا و حبيبي و سندي اللي كبرت معاه سنين.
انا فتحة الصورة دي من بدري و عايزة اقولك انك ربنا هيدخلك الجنة يا اطيب خلق الله انت ربيت ٣ بنات و كأنك ابوهم و اكتر.
انا عايزة اقولك اني معرفتش كلمة بابا غير و انا معاك. عمري مقولت اصلا تقريبا بابا غير ليك. كنت بجري عليك اول معمل حاجة غلط عشان تدافع عني قدام ماما.
فكرة اول بيض اوملين عملتوا في حياتي و قولتلي اعملي مطعم " بالهنا و الشفاه" و اديتني ١٠٠ جنيه عشان تشجعني اطبخ.
كنت دايما تقولي انت هتبقى حاجة كبيرة و كنت بتشجعني. كنت فخور بيا لما اتخرجت و عيط اليوم ده.
انا عمري محسيت انك مش ابويا اللي مخلفني. انا مش مصدقة اني مش هشوفك تاني و اقولك زازي يا زازي.. نفسي ترجع و اقولك قد ايه احنا بنحبك كلنا و ا قولك انك اعظم ممثل. انا بحبك اوي و مكنتش اعرف اني بحبك اوي كده. هتوحشني يا احن انسان عرفته في حياتي. ارجو الدعاء.
وتتابعت التعليقات علي الصورة كالأتي : ربنا يرحمه و يسكنه فسيح جناته, ربنا يرحمه و يجعل مثواه الجنة,الف رحمه ونور عليه ربنا يصبركم ويغفرله ويسكنه فسيح جناته .
