كتبت - أماني موسى
قال الرئيس عبد الفتاح السيسي، أن الدولة تتعامل مع ملفات لم يتم التعامل معها من 100 سنة، ومنها ملف تطوير البحيرات.
وأردف في كلمته بافتتاح عدد من المشروعات القومية بمحافظة دمياط اليوم، بقول لكل زمايلي من محافظين وغيرهم، لما أنت تنسى تطهير بوغاز بحيرة البردويل الإنتاج بتاعها يقل، بقولها لكل مواطن وكل محافظ البوغاز لو متنضفش دايمًا إنتاج البحيرة يقل".
وتابع، أقول لكل مواطن، كل محافظ، كل مسؤول، لما تعمل حاجة اعملها صح لأنك هتسيبها لولادك، لازم تسيب لهم نعمة وخير، مش تسيب لهم أشلاء بحيرات وأشلاء عشوائيات وأشلاء تراجع وانحدار.
وأكد أنه سيتم تطوير البحيرات فى أنحاء الجمهورية حسب المواصفات العالمية، قائلاً: "هنرجع كل بحيرات مصر زى الكتاب بتاع بحيرات العالم المتقدم ما بيقول مش زى ما كانت على أيامنا من 100 سنة، إحنا هنبني بلدنا ونعمر ونخليها بلد ذات شأن، وهمتكم يا مواطنين.
