المواطن لـ المقاول: ارجع مصر واتفرج على الطرق والكباري والمشاريع
تداول رواد مواقع التواصل الاجتماعي "فيس بوك"، فيديو لمواطنين مصريين قابلوا المقاول الهارب محمد علي بأحد شوارع هولندا، ودخلوا في سجال معه حول أحوال مصر.
وبدأ الفيديو بمواطن حاملا هاتفه ويخاطب المشاهدين: "بصوا يا جماعة أنا قابلت محمد علي أهو في هولندا، وبقوله السيسي ماشي في دمي". ليرد عليه محمد علي: "أنت حر، ومش هقولك فين، أنا مالي أنا".
ليوجه المواطن خطابه إلى شخص آخر: "السيسي فين يا سعيد، المصريين أهم اسألهم السيسي فين"، ليرد عليه صديقه: "ماشي في دمنا".
ووجه المواطن حديثه للمقاول الهارب قائلا: "محمد علي أهو، وأنا ممكن أعمل معاه مشكلة، بس بحب المصريين، وبقوله اعقل يا محمد"، ليرد عليه: "مش هعقل".
وتابع المواطن ردا عليه: "السيسي هو اللي بيحمينا، لو مش السيسي كنا انتهينا كمصريين"، ووجه حديثه إلى صديقه: "قوله يا سعيد إن الأمان كله السيسي وبنحبه".
ليرد محمد علي: "كل واحد حر"، ووجه حديثه إلى المواطن المصري: "هو راجل مصري حبيبي، وأخويا، واختلافي معاك، دا ميعملش بيني وبينه مشكلة، وليه نقطع في بعض".
ليرد: "أنا بعشق السيسي وهو أصلح واحد للبلد"، ليرد محمد علي: "هو فرد وأنا فرد مين اللي ليه الحكم؟ الشعب اللي ليه الحكم"، ليرد عليه: "السيسي هو اللي ليه الحكم، و25 يناير حفلة للرئيس السيسي، ومفيش حد هينزل وسيبكم من محمد علي، واللي هينزل ينزل عشان يحتفل بالرئيس السيسي، وهو في مقام أبويا".
وقال المقاول الهارب: "لحد النهاردة ومفيش شغل والبلد للأسوأ"، ليرد عليه المواطن المصري: "ارجع مصر واتفرج على الطرق والكباري والمشاريع، الشعب المصري كله مع السيسي، وأكتر من 70% معاه".
