عضو "الموسيقيين": "بنت الجيران" غلطة سمعها العالم كله
قال حلمي عبدالباقي، عضو مجلس نقابة المهن الموسيقية، إنه لا يملك أن يسمح لعمر كمال مطرب المهرجانات أن يغني أو لا، موضحًا أن "كمال فنان حقيقي ويقدم أغاني محترمة، وقدم العديد من الأغاني الجيدة قبل أن يرتمي في أحضان المهرجانات"، كان بيغني أغاني محترمة وكلام شيك جدا".
وأضاف "عبدالباقي"، خلال مداخلة هاتفية في برنامج "من مصر"، الذي يُعرض عبر شاشة "CBC": "عمر كان عامل حالة كويسه جدًا مع الناس، بس استعجل أنه ارتمي في حضن المهرجانات، طلبنا منه تعديل كلمات أغنية (بنت الجيران) علشان فيها خمور وحشيش، ورغم كده طلع هو وحسن شاكوش على الملأ في استاد القاهرة وقالها".
"الموسيقييين" عن غناء "بنت الجيران" في الاستاد: غلطة سمعها العالم كله
وتابع: "هما بيقولوا دي غلطة بس الغلطة دي سمعها العالم كله، إحنا في مصر اللي هيا منارة الفن في الوطن العربي، أي حد عاوز يبقى نجم مشهور بييجي مصر، ويتمنوا أنهم يوصلوا للجمهور المصري وإحنا كمصريين نطمس هويتنا، إحنا قولنا أي حد يجد نفسه صوته صالح للغناء يتقدم للنقابة، بس العملية مش بقت تقف على الصوت فقط".
وواصل: "القصة مش بقت غلطة في كلمة ضمن غنوة، دي بقت حاجة سائدة في المجتمع على المستوى الشخصي بحبك جدا يا عمر، وأنت حد فنان جميل، ليه تتسمى مهرجانات أصلا، إحنا عندنا تحفظات مش على الصوت بس، مش معنى صوتي حلو أقول أي حاجة، إحنا كنا بنعمل الغنوة بتعدي على المصنفات الفنية ونجتهد ونشتغل ونقعد في الاستوديو ساعات الساعات، الإنترنت دخل البيوت خلاص والناس بقت تسمع كل حاجة".
